Հատուկ քննչական ծառայության ծառայողների պաշտոններ
Վերադառնալ
Հատուկ քննչական ծառայության ծառայողների պաշտոններ
Քաղաքացիների ընդունելության կարգը
Վերադառնալ
Քաղաքացիների ընդունելության կարգը
Ազդարար
Վերադառնալ
Ազդարար
Հայտարարություններ
Վերադառնալ
Հայտարարություններ
ՀՀ, ք.Երևան
Վաղարշ Վաղարշյան 13 ա
press@ccc.am
(+374 11) 900 035
Հայաստանի Հանրապետության Հատուկ Քննչական Ծառայություն
Քաղաքացիների ընդունելության կարգը
Հայտարարություններ
Լուրեր
Ոստիկանության պաշտոնյաները չարաշահել են լիազորությունները
Մի խումբ անձանց կողմից նախնական համաձայնությամբ խոշոր չափերով գողություն կատարելու մեջ մեղադրվող Աննա Մ.-ն իր նկատմամբ կալանավորումը որպես խափանման միջոց ընտրելու մասին դատական նիստի ժամանակ հայտնել է, որ ՀՀ ոստիկանության պաշտոնատար անձինք ամբողջ ընթացքում իմացել են իր և ամուսնու գտնվելու վայրի մասին, ինքը պարբերաբար հեռախոսակապի մեջ է եղել ՀՀ ոստիկանության Գորիսի բաժնի օպերատիվ գծով տեղակալի և նույն բաժնի օպերլիազորի հետ:
2015-07-10

Մի խումբ անձանց կողմից նախնական համաձայնությամբ խոշոր չափերով գողություն կատարելու մեջ մեղադրվող Աննա Մ.-ն իր նկատմամբ կալանավորումը որպես խափանման միջոց ընտրելու մասին դատական նիստի ժամանակ հայտնել է, որ ՀՀ ոստիկանության պաշտոնատար անձինք ամբողջ ընթացքում իմացել են իր և ամուսնու գտնվելու վայրի մասին, ինքը պարբերաբար հեռախոսակապի մեջ է եղել ՀՀ ոստիկանության Գորիսի բաժնի օպերատիվ գծով տեղակալի և նույն բաժնի օպերլիազորի հետ: Սակայն վերջիններս չարաշահելով իրենց պաշտոնեական լիազորությունները, չեն կատարել քննիչի հանձնարարականը, չեն ձեռնարկել միջոցներ իրենց հայտնաբերելու և նախաքննական մարմնին ներկայացնելու ուղղությամբ: Այս կերպ` ոստիկանության աշխատակիցները իրենց հայտնաբերելու պատրանք ստեղծելով արհեստականորեն բարձրացրել են բաժնի ցուցանիշները, և իրենց նախաքննական մարմին ներկայացրել են միայն այն ժամանակ, երբ քննիչի որոշմամբ իրենց նկատմամբ հայտարարվել է հետախուզում, իսկ իր նկատմամբ որպես խափանման միջոց կալանավորումը ընտրելու մասին քննիչը միջնորդություն է ներկայացրել դատարանին:

Դատարանը նկատի ունենալով հիշյալ հանգամանքը, չի բավարարել քննիչի միջնորդությունը` Աննա Մ.-ի նկատմամբ որպես խափանման միջոց կիրառել կալանավորումը: Վերջինիս նկատմամբ որպես խափանման միջոց ընտրվել է ստարագրություն չհեռանալու մասին:

Աննա Մ.-ի հաղորդման հիման վրա` պաշտոնատար անձանց կողմից պաշտոնեական լիազորությունները չարաշահելու դեպքի առթիվ ՀՀ քննչական կոմիտեում ՀՀ քրեական օրենսգրքի 308-րդ հոդվածի 1-ին մասի հատկանիշներով հարուցված քրեական գործը քննության է ուղարկվել ՀՀ հատուկ քննչական ծառայություն: 

Կատարվում է նախաքննություն:

 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: