Հատուկ քննչական ծառայության ծառայողների պաշտոններ
Վերադառնալ
Հատուկ քննչական ծառայության ծառայողների պաշտոններ
Քաղաքացիների ընդունելության կարգը
Վերադառնալ
Քաղաքացիների ընդունելության կարգը
Գործառույթներ
Վերադառնալ
Գործառույթներ
Ազդարար
Վերադառնալ
Ազդարար
ՀՀ, ք.Երևան
Վաղարշ Վաղարշյան 13 ա
press@ccc.am
(+374 11) 900 035
Հայաստանի Հանրապետության Հատուկ Քննչական Ծառայություն
Քաղաքացիների ընդունելության կարգը
Նորությունների արխիվ
Ավարտվել է անձին ապօրինի ազատությունից զրկելու և բռնաբարության փորձի դեպքերով կատարված քրեական գործի նախաքննությունը
2015-02-02

ՀՀ հատուկ քննչական ծառայությունում ավարտվել է ապօրինի ազատությունից զրկելու և բռնաբարության փորձի դեպքերով ՀՀ քրեական օրենսգրքի 133-րդ հոդվածի 1-ին մասով և 34-138-րդ հոդվածի 1-ին մասով կատարված քրեական գործի նախաքննությունը:
Նախաքննությամբ պարզվել է, որ ՀՀ ոստիկանության աշխատակից Հայկ Բ.-ն 2014թ. օգոստոսի 24-ին՝ ժամը 03:00-ի սահմաններում, գտնվելով ալկոհոլային հարբածության վիճակում, իրեն ամրակցված՝ ՀՀ ոստիկանության տնտեսական վարչությանը պատկանող ավտոբուսով Երևանի Շենգավիթ վարչական շրջանի տարածքով երթևեկելիս կանգ է առել կանգնելու նշան անող Յուլիա Ա.-ի մոտ և համաձայնել նրան տեղափոխել վերը նշված վարչական շրջանի 3-րդ թաղամաս: Ճանապարհին տեղեկանալով, որ վերջինս ժամանել է այլ երկրից, չի տիրապետում հայերեն լեզվին և մոլորվել է` տվյալ տարածքում գիշերային ժամին Յուլիա Ա.-ի գտնվելու պատճառները պարզելու, նրա անձի, վարքագծի վերաբերյալ իր երևակայությամբ առաջացած կասկածները ճշտելու նպատակով առանց նրան առևանգելու մտադրության մեքենան վարել է տարբեր ուղղություններով և Յուլիա Ա.-ին ավտոբուսից իջնելու հնարավորություն չի տվել: Ոստիկանության աշխատակից Հայկ Բ.-ն շուրջ չորս ժամ նրան ապօրինի զրկել է ազատությունից, այդ ընթացքում Յուլիա Ա.-ի կամքին հակառակ փորձել է նրա հետ սեռական հարաբերություն ունենալ, սակայն վերջինս դիմադրություն է ցույց տվել, թույլ չի տվել հանել զգեստը, ոտքով հարվածել ու ոստիկանին մի կողմ է հրել, և այդ պայմաններում Հայկ Բ.-ն իր կամքից անկախ հանգամանքներով չի կարողացել հանցագործությունն ավարտին հասցնել:
Նախաքննությունն ավարտած քննիչը քրեական գործը մեղադրական եզրակացությամբ հանձնել է դատավարական հսկողություն իրականացնող դատախազին՝ այն հաստատելու և դատարան ուղարկելու համար:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: